Bollubakstur...

Strákarnir mínir keyra ennþá á sumartíma (breyttist síðustu helgi) sem þýðir að þeir hafa vakna á hverjum morgni alla vikuna á milli kl. 5 og 5.30..... takk fyrir. En það þýðir bara extra kaffibolla fyrir mig og að við getum átt lengri morgna saman :)

Í morgun þegar ég kom með strákana í vöggustofuna þá voru börnin að baka bollur. Emil og Isak brettu upp ermarnar og hófu strax baksturinn!! Þetta fannst þeim mjög svo spennandi, að varla gafst tími til að knúsa mig bless.

Haustlitirnir

Bedstemor med Isak & Emil

Isak og hundurinn Odin

Emil

Emil

Bræðurnir elska að vera úti að leika!! Heima hjá okkur erum við með garð, en hann er ekki lokaður nógu vel af þannig að ég treysti mér ekki að vera alein með þá úti, því þeir eru ansi fljótir að hlaupa í burtu (það er hægt að komast inn og út úr garðinum okkar á tveimur stöðum, þeir taka vanalega hver sinn útgang)! Þannig að ég elska þegar við komumst um helgar í sveitina til tengdó og getum sleppt strákunum "lausum". Þar er einnig að finna rólur, fótbolta, hund, ketti, kýr og hænsni. 

Haustlitirnir eru búnir að vera svo fallegir síðustu vikurnar eins og þið getið séð á myndunum. 

Ísland // Sumarbústaður

Við eyddum einni viku í sumarbústað saman með mömmu og ömmu í sumar. 

Ég sé það núna að við neyðumst til að kaupa almennilega myndavél, þar sem svo mikið af myndunum okkar eru ekki í nógu góðum gæðum. Síminn minn er orðinn mjög hægur og gamall, og finnst mér eins og myndirnar séu að verða verri og verri. Kannski er það bara einhver vitleysa í mér ;)

En ég hef verið að velta þessari myndavél fyrir mér, Canon EOS M. Ég sá að Erna Hrund á Reykjavík Fashion Journal notar þessa vél og finnst mér myndirnar hennar mjög skýrar og flottar. Er einhver myndavélasérfræðingur sem getur mælt með þessari vél?

Hurðaskellir

Við áttum í smá basli með Emil og Isak fyrir nokkrum mánuðum síðan, þar sem þeim fannst svo spennandi að opna alla skápa, skúffur og ísskápinn/frystirinn. Og til að forðast að þeir myndu alltaf var að tæta allt úr skápum og skúffum þá byrjaði ég á því að kenna þeim að loka og svo að fagna því eins og enginn væri morgundagurinn með klappi og "jeyji". Þessi aðferð hefur reynst mjög vel og er núna nánst ómögulegt fyrir okkar að opna nokkra skúffu né skápa, því þá eru bræðurnir mættir til að loka og klappa :) Til að mynda þegar ég er að græja matinn í eldhúsinu og þarf að opna ísskápinn, setja í uppþvottavélina... þá eru mættar fjórar litlar hendur sem vilja loka... med det samme! ;) 

Þeir bræða mig á hverjum degi með sjarmanum sínum og gefa lífinu okkar Jacobs mikinn lit á hverjum degi!! Ég gæti ekki ímyndað mér lífið án þeirra :)

Ég er aftur á móti ennþá að finna leið til að fá þá til að hætta að taka alla hluti úr gluggakistunni inní stofu.. ásamt því að hætta að hrista gardínurnar!!! Eru þið með einhverja góða lausn?

Nýtt í barnaherberginu

Á Íslandi keypti ég þetta fína plakat með íslenska stafrófinu frá Tulipop. Ég er mjög meðvituð um mikilvægi þess að örva íslenskuna hjá Emil og Isak og því fannst mér plakat með íslenska stafrófinu vera góð sjónræn áminning. Ég er líka með flestar bækur og barnaefni á íslensku. Sem vonandi skilar sér svo eftir nokkur ár í því að þeir verða jafnvígir í dönsku og íslensku :)

Plakatið fæst m.a. hér

Herbergið í heild sinni má finna hér

Instagram lately

Nokkrar myndir frá sumarfríinu okkar á Íslandi. Við áttum yndislega tíma með fjölskyldu og vinum. Við fórum til Eyja, í sumarbústað við Flúðir og til Reykjavíkur :)

Á afmælisdegi strákanna fórum við niður í bæ og ætlaði ég heldur betur að dekra við strákana mína. Við fórum á cafe Paris, en því miður var ekkert til á barnamatseðlinum þeirra, þannig að ég skaust útí 11/11 og keypti mat handa þeim svo að við gætum notið góða veðursins niðrí bæ :)

Þegar við komum heim frá Íslandi byrjuðu strákanir í vöggustofu og eru myndirnar hérna að ofan frá fyrstu dögunum, á meðan aðlögunin stóð yfir :)

Tvær síðustu myndirnar eru myndir sem ég tók til að setja í fatahengið þeirra.

Þekkið þið þá í sundur? ;)

Sumar í sveitinni hjá Bedstemor og Bedstefar. 

Isak í eins árs skoðun

Hin árlega fjölskylduferð í Fårup sommerland, var farin um miðjan ágúst. Mamma ákvað að skella sér með og kom í stutta helgar ferð til okkar :) Það var svo gaman að hafa hana með :) Og prufuðum við alla rússíbanana og önnur tæki ;)

Hérna eru myndir frá því í fyrra :)

Rúmum mánuði eftir að strákarnir byrjuðu í vöggustofu þá komu fyrstu veikindin, og er ég nánast búin að vera heima með að minnstakosti eitt barn síðasta mánuðinn, þar sem þetta er keðjuverkandi. Einn byrjar og svo kemur hinn á eftir!! En í dag eru þeir báðir í vöggustofu og full af orku :)

Það eru búnir að vera alveg rosalega flottir haustlitirnir hjá okkur. Við fórum í dagsferð til Herning í síðustu viku þar sem við fundum þetta fína leiksvæði sem þið sjáið á síðustu myndinni :)